अनुत्तरित प्रश्नहरु

 

अथक परिश्रम र संघर्ष गर्दा गर्दै

बचेरालाई  ढुक्कै सुरक्षित पार्दा पार्दै 

मिहिनेतको पसिनाले पटुका भिजाउदै 

मुस्काउॅंदै शान्त सफा आकाशमा 

ताराहरुलाई  अझ झिलमिलाउन ढाढस् दिन 

उ गयो ।

अनि म सोधिरहे आफैंलाई 

किन गयौ यति छिट्टै ?

तीन चार दिन अघिको त्यो चहकिलो मुहारले 

किन झुक्कयायौ ? 

कति प्रश्नहरु अनुत्तरित छोडेर 

कैयन् जिज्ञासाका जाली बुनेर 

गयौ त बेखबर कि गयौ ? 

तिमी तयार भएर बस 

एक न एक दिन भेटेर माग्छु सबैका उत्तर -

काखमा सुताएर गाउॅंखाने कथा सोध्यौ किन ?

शहर घुमाउन लगेका बेला गोजीभरि ड्राई फ्रुट्स किनिदियौ किन ? 

भोज भत्तेर पार्टीमा यो मेरो नाती भनेर सबैलाई चिनायौ किन ? 

हरपलका अफ्ठ्यारा र असमंझस् पार गर्ने दीक्षा दिलायौ किन ?  

सबैलाई आसपास राखेर मलाई मात्र छुटाएर गयौ किन ? 

नव वर्ष

बाजा बजाएर आयो फेरि नववर्ष 

भन्छन सबै शुभकामना दिनै पर्छ

हज्जारौं कोस टाढा अमिलो देशमा

न कहिल्यै खुसी लाग्छ न लाग्छ हर्ष। 

मुक्तक

मझेरीमा पिठो छरेझैं सेतै पाखा बारी
दुख्दैछन् घुंडा अनि चिसा छन् नारी
घाम त लाग्छ लाग्छ न्यानो हुन्छ एक दिन
जब आउछौ तिमी सम्हाल्न मेरो घरवारी ।

लाल पानी

कटायौ रात लाल पानी पिएर
सकियो है साबुनमा पानी खिएर

बाचा बन्धन त सबै  फुस्रा आश्वासन
पंछायौ घुच्चुकमा लात हानि दिएर  

सक्थेउ त मन बुझाएर बस्नलाई
एक  मुठीमा तातो खरानी लिएर

असफलता त जीवनका पथ हुन
के फाइदा भिजेको सिरानी सिएर

बनेर हेर  कतै  फकीरकी छोरी
अन्धो भा'छौ सँगै  रानी उभिएर

                                        

'you-lovers'

Did the circumstances forced it?
Was the poverty compelling it?
Did your people yelled to leave?
Yes! It was you who chose it.

Became a Roman in no time
Forgot the past just like that
Guts were alcoholic now and then
You had no pain nothing to gain

A sweet dream is non-existent
Flies like an arrow swiftly
Desiring the same moment back
Only offers you frequent heartache

Now, try finding the sun hiding
Clear out the cloud covers
Do what's your right feeling
Awaiting are millions 'You-Lovers'.